Kamonyi: Ninde uzaba Meya?

Abakandida 37 bari kwiyamamaza bahatanira gutorerwa kuba abagize Inama njyanama y’akarere ka Kamonyi nibo byitezwe ko bazatorwamo Meya.

Muri bariya bakandida harimo 12 bari kwiyamamaza baciye mu cyiciro kizatorwamo abajyanama 5 b'abagore bangana na 30% by'abagize inama Njyanama y'akarere. Abiyamamaje muri iki cyiciro bazatorwa le 17/11/2026.

Abandi bakandida 25

bose bari kwiyamamaza baciye mu cyiciro kizatorwamo abajyanama rusange 8 le 21/11/2026.

Wakwibaza uti ko muri ibyo byiciro byombi hazaba hatowe abajyanama bose hamwe 13 gusa kandi akarere kagomba kugira abajyanama 17, abandi bazava he?

Ku rwego rw'akarere, Ku wa 14/11/2026 Hazaba hatowe abagize komite nyobozi y'inama y'igihugu y'abantu bafite ubumuga; Abagize Inama y'igihugu y'urubyiruko ndetse n'Inama y'igihugu y'abagore. Abantu batatu bazatorwa bayoboye izo nama nabo bazahita biyongera kuri bariya bajyanama 13 bahite baba 16.

Wakwibaza uti, undi umwe azava he ko babaye abajyanama 16 kandi hakenewe 17?

Umujyanama wa 17 yamaze gutorwa cyera ndetse yamaze no kurahirira izo nshingano. Perezida w'urugaga rw'abikorera(PSF) muri buri karere biba biteganyijwe ko ahita yinjira mu nama Njyanama y'akarere. Mu karere ka Kamonyi , uwatowe ni Ntiyamira Felix

Bariya bajyanama 17 bose nibamara kuboneka, Le 24/11/2026 Bazitoramo abagize Biro y'Inama Njyanama y'akarere ka Kamonyi, aribo Perezida; Visi perezida ndetse n'Umunyamabanga.

Le 24/11/2026, muri bariya Bajyanama 17 kandi Hazanatorwamo Komite Nyobozi y'akarere igizwe na Meya; Visi Meya ushinzwe ubukungu ndetse na Visi Meya ushinzwe imibereho y'abaturagege.

Ni bande bemerewe gutora bariya bajyanama 5 b'abagore bangana na 30% by'abagize inama njyanama y'akarere

Ingingo ya 08 y'Iteka rya Perezida n° 045/01 ryo ku wa 03/08/2026 ryerekeye amatora y’abayobozi b’inzego z’imitegekere y’Igihugu zegerejwe abaturage igaragaza ko inteko ibatora iba igizwe na:

1.Abagize Inama njyanama z'imirenge igize akarere.

2.Abagize Komite Nyobozi y'Inama y'igihugu y'abagore ku rwego rw'imirenge igize akarere

3. Abagize Komite Nyobozi y'Inama y'igihugu y'abagore ku rwego rw'akarere.

Ni bande bemerewe gutora abajyanaka rusange 08 b'akarere

Ingingo ya 07y'Iteka rya Perezida n° 045/01 ryo ku wa 03/08/2026 ryerekeye amatora y’abayobozi b’inzego z’imitegekere y’Igihugu zegerejwe abaturage igaragaza ko inteko ibatora iba igizwe n'aba bakurikira:

1.Abagize biro z'Inama njyanama z'utugari tugize akarere

2. Abagize Inama njyanama z'imirenge

3.Abagize Komite Nyobozi y'Inama y'igihugu y'abagore ku rwego rw'akarere

4. Abagize Komite Nyobozi y'Inama y'Igihu y'urubyiruko ku rwego rw'akarere

5. Abagize Komite Nyobozi y'Inama y'Igihugu y'abantu bafite ubumuga ku rwego rw'akarere.

6.Abagize Komite y'abikorera ku rwego rw'akarere.

Ni bande bemerewe gutora Komite Nyobozi y'akarere?

Ingingo ya 09 y'Iteka rya Perezida n° 045/01 ryo ku wa 03/08/2026 ryerekeye amatora y’abayobozi b’inzego z’imitegekere y’Igihugu zegerejwe abaturage igaragaza ko inteko itora Komite Nyobozi y'akarere igizwe n'aba bakurikira:

1. Abagize biro z'inama njyanama z'utugari twose tugize akarere.

2.Abagize inama njyanama z'imirenge igize akarere.

3.Abagize Inama njyanama y'akarere( ubwo ni bariya bazaba bamaze gutorwa)

4. Abagize Komite Nyobozi y'Inama y'igihugu y'abagore ku rwego rw'akarere

5. Abagize Komite Nyobozi y'Inama y'igihugu y'urubyiruko ku rwego rw'akarere

6.Abagize Komite Nyobozi y'Inama y'igihugu y'abantu bafite ubumuga ku rwego rw'akarere.

7. Abagize Komite y'abikorere(PSF) ku rwego rw'akarere.

Ubu abakandida bari gukora iki?

Bariya bakandida 37 ubu bari kwiyamamaza. Komisiyo y'igihugu y'amatora yatangaje ko bemerewe kwiyamamaza kuva le 07/11/2026 Kugeza Le 21/11/2026. Meberewe kwiyamamaza bakoresheje inyandiko zimanikwa n'ibindi bitanyuranye n'amategeko.

Aba bakandida kandi, bemerewe kwiyamamaza mu bitangazamakuru; Bemerewe kwiyamamaza hakoreshejwe imbugankoranyamabaga; Kumanika amafoto ahagenwe n'ubuyobozi bw'akarere n'umurenge ndetse ku munsi w'itora buri mu kandida azahabwa iminota itarenze itanu yo kwiyamamaza imbere y'inteko itora.

Dore urutonde rw'abakandida 37 bazatorwamo Meya w'akarere ka Kamonyi n'abandi bajyanama

ABAKANDIDA 12 BAZATORWAMO ABAJYANAMA 5 B'ABAGAORE BANGANA NA 30% BY'ABAZABA BAGIZE INAMA NJYANANA Y'AKARERE:

1. UMUHIRE Christiane
2. MUKAZANA Vivine
3. CYIZA Aline
4. MUKAKALISA Anatholie
5. HATUNGIMANA Mediatrice
6. INGABIRE Léatitia
7. UMURERWA Josiane
8. NIYONSHIMA Josiane
9. MBARUSHIMANA Honorée
10. MUKANYANDWI Rose
11. IBYISHAKA Rose
12. AHISHAKIYE Gaudence

URUTONDE RW'ABAKANDIDA 25 BAZATORWAMO ABAJYANA RUSANGE 8:

1. NDAYISABYE Felix
2. HAKORINEZA Daniel
3. NSHIMIYIMANA Jean Pierre
4. NSENGIYUMVA Eric
5. MBABAJENDE Saidi Moukhtaar
6. RUGWIRO Gahamanyi
7. KAYITESI Nadine
8. MUREKATETE Patricie
9. TWAGIRUMUKIZA Jean Claude
10. HAGENIMANA Felix
11. DUSHIMIMANA Jean Paul
12. USENGIMANA Jean Paul
13. ZINARIZIMA Diogene
14. NGIRINSHUTI Fidèle
15. MUNYAKAYANZA Pierre Damien
16. GISUBIZO Fabien
17. MUSABYIMANA Albert
18. UGIRASHEBUJA Ernest
19. MUGABO Geoffrey
20. ISHIMWE Pascaline
21. HATEGEKIMANA Gratien
22. NIWEMUGENI Chantal
23. NGABOYERA Valens
24. RUTERANA Fernand Sauveur
25. UWIRAGIYE Sylvie