Nyaruguru: Ninde uzaba Meya?

Abakandida 37 bari kwiyamamaza bahatanira gutorerwa kuba abagize Inama njyanama y’akarere ka Nyaruguru nibo byitezwe ko bazatorwamo Meya.

Muri bariya bakandida harimo 10 bari kwiyamamaza baciye mu cyiciro kizatorwamo abajyanama 5 b'abagore bangana na 30% by'abagize inama Njyanama y'akarere. Abiyamamaje muri iki cyiciro bazatorwa le 17/11/2026.

Abandi bakandida 27 bari kwiyamamaza baciye mu cyiciro kizatorwamo abajyanama rusange 8 le 21/11/2026.

Wakwibaza uti ko muri ibyo byiciro byombi hazaba hatowe abajyanama bose hamwe 13 gusa kandi akarere kagomba kugira abajyanama 17, abandi bazava he?

Ku rwego rw'akarere, Ku wa 14/11/2026 Hazaba hatowe abagize komite nyobozi y'inama y'igihugu y'abantu bafite ubumuga; Abagize Inama y'igihugu y'urubyiruko ndetse n'Inama y'igihugu y'abagore. Abantu batatu bazatorwa bayoboye izo nama nabo bazahita biyongera kuri bariya bajyanama 13 bahite baba 16.

Wakwibaza uti, undi umwe azava he ko babaye abajyanama 16 kandi hakenewe 17?

Umujyanama wa 17 yamaze gutorwa cyera ndetse yamaze no kurahirira izo nshingano. Perezida w'urugaga rw'abikorera(PSF) muri buri karere biba biteganyijwe ko ahita yinjira mu nama Njyanama y'akarere.

Bariya bajyanama 17 bose nibamara kuboneka, Le 24/11/2026 Bazitoramo abagize Biro y'Inama Njyanama y'akarere ka Nyaruguru, aribo Perezida; Visi perezida ndetse n'Umunyamabanga.

Le 24/11/2026, muri bariya Bajyanama 17 kandi Hazanatorwamo Komite Nyobozi y'akarere igizwe na Meya; Visi Meya ushinzwe ubukungu ndetse na Visi Meya ushinzwe imibereho y'abaturagege.

Ni bande bemerewe gutora bariya bajyanama 5 b'abagore bangana na 30% by'abagize inama njyanama y'akarere

Ingingo ya 08 y'Iteka rya Perezida n° 045/01 ryo ku wa 03/08/2026 ryerekeye amatora y’abayobozi b’inzego z’imitegekere y’Igihugu zegerejwe abaturage igaragaza ko inteko ibatora iba igizwe na:

1.Abagize Inama njyanama z'imirenge igize akarere.

2.Abagize Komite Nyobozi y'Inama y'igihugu y'abagore ku rwego rw'imirenge igize akarere

3. Abagize Komite Nyobozi y'Inama y'igihugu y'abagore ku rwego rw'akarere.

Ni bande bemerewe gutora abajyanaka rusange 08 b'akarere

Ingingo ya 07y'Iteka rya Perezida n° 045/01 ryo ku wa 03/08/2026 ryerekeye amatora y’abayobozi b’inzego z’imitegekere y’Igihugu zegerejwe abaturage igaragaza ko inteko ibatora iba igizwe n'aba bakurikira:

1.Abagize biro z'Inama njyanama z'utugari tugize akarere

2. Abagize Inama njyanama z'imirenge

3.Abagize Komite Nyobozi y'Inama y'igihugu y'abagore ku rwego rw'akarere

4. Abagize Komite Nyobozi y'Inama y'Igihu y'urubyiruko ku rwego rw'akarere

5. Abagize Komite Nyobozi y'Inama y'Igihugu y'abantu bafite ubumuga ku rwego rw'akarere.

6.Abagize Komite y'abikorera ku rwego rw'akarere.

Ni bande bemerewe gutora Komite Nyobozi y'akarere?

Ingingo ya 09 y'Iteka rya Perezida n° 045/01 ryo ku wa 03/08/2026 ryerekeye amatora y’abayobozi b’inzego z’imitegekere y’Igihugu zegerejwe abaturage igaragaza ko inteko itora Komite Nyobozi y'akarere igizwe n'aba bakurikira:

1. Abagize biro z'inama njyanama z'utugari twose tugize akarere.

2.Abagize inama njyanama z'imirenge igize akarere.

3.Abagize Inama njyanama y'akarere( ubwo ni bariya bazaba bamaze gutorwa)

4. Abagize Komite Nyobozi y'Inama y'igihugu y'abagore ku rwego rw'akarere

5. Abagize Komite Nyobozi y'Inama y'igihugu y'urubyiruko ku rwego rw'akarere

6.Abagize Komite Nyobozi y'Inama y'igihugu y'abantu bafite ubumuga ku rwego rw'akarere.

7. Abagize Komite y'abikorere(PSF) ku rwego rw'akarere.

Ubu abakandida bari gukora iki?

Bariya bakandida 37 ubu bari kwiyamamaza. Komisiyo y'igihugu y'amatora yatangaje ko bemerewe kwiyamamaza kuva le 07/11/2026 Kugeza Le 21/11/2026. Meberewe kwiyamamaza bakoresheje inyandiko zimanikwa n'ibindi bitanyuranye n'amategeko.

Aba bakandida kandi, bemerewe kwiyamamaza mu bitangazamakuru; Bemerewe kwiyamamaza hakoreshejwe imbugankoranyamabaga; Kumanika amafoto ahagenwe n'ubuyobozi bw'akarere n'umurenge ndetse ku munsi w'itora buri mu kandida azahabwa iminota itarenze itanu yo kwiyamamaza imbere y'inteko itora.

Dore urutonde rw'abakandida 37 bazatorwamo Meya w'akarere ka Nyaruguru n'abandi bajyanama

ABAKANDIDA 10 BAZATORWAMO ABAJYANAMA 5 B'ABAGAORE BANGANA NA 30% BY'ABAZABA BAGIZE INAMA NJYANANA Y'AKARERE:

1. MUKAKAGABO Marie Rose
2. MUKANDEKWE Colette
3. NYIRAKAMONDO Catherine
4. UWITONZE Alexia
5. MASENGESHO Marie Rose
6. NYIRABAHINYUZA Mediatrice
7. MUHONGERWANSEKO Jacqueline
8. TURAMWISHIMIYE Marie Rose
9. NYIRANDAMIRA Alodie
10. MUKAMANA Bernadette

URUTONDE RW'ABAKANDIDA 27 BAZATORWAMO ABAJYANA RUSANGE 8:

1. NIYOYITA Jean Baptiste
2. MURERA Sylvain M YEGO
3. NSENGIMANA Emmanuel
4. RUHUMURIZA Anselme
5. NSAZIYINKA Prosper
6. SIBOYINTORE Theodat
7. MUNYANEZA Alexis
8. INGABIRE Mukeshimana
9. NDIZEYE Martin Patrick
10. NSHUTI NZIZA Juvenal
11. RANGIRA Innocent
12. GATETE Theophile
13. KABAGIRE Placide
14. MUREKATETE Aliane
15. RUGAMBA Methode
16. MUKANTWARI Clementine
17. MUTIGANDA Innocent
18. NKURUNZIZA Jean Marie Vianney
19. KAYITASIRE Clarisse
20. MUKABAZIGA Marie Chantal
21. UMUTONI UWASE Marie Grace
22. MUNYANEZA Jean Marie Vianney
23. SINDAYIGAYA Samuel
24. BIZIMANA Jean Marie Vianney
25. BIZIMANA Manasseh
26. HAVUGIMANA Jean de la Croix
27. MUKANYANGEZI NGABOYISONGA Dative